Salmenta-Puntua
Goi mailako kurtsoak
Merkataritza elektronikoak hazkunde handia bizi duen egungo garaian, denda fisikoak produktuak bidaltzen diren leku hutsa izatetik kontsumitzaileei esperientzia asetzeko moduko espazioa izatera pasa behar du.
Esperientzia hauek arreta pertsonalizatua jasotzean, inspiratuta egotean, ondo pasatzean, erlazionatzean eta abar izan daitezke. Hau da, salmenta puntuak kontsumitzailea bertara joan eta erosten amaitzera bultzatzen duen leku erakargarria izan behar du.
Nolanahi ere, kanal fisikoa ez da ulertu behar on line kanalaren guztiz desberdina dela, kontsumitzailea kanal bakarra baita eta ez baitu bereizten on eta off kanalen artean. Horregatik, eremu komertzialek teknologiak sortzen dituen aukera guztiak aprobetxatu eta kontsumitzaile berriari erantzun beharko diote.