Webinar – Hobetu zure salmentak balio-zerbitzuak gehituz

Zer gertatzen ari da?
Azken hilabeteetan, inflazioa tokiko merkataritzak zituen beste erronka batzuei gehitu zaie, hala nola digitalizaziora eta COVID-19ak sortutako egoerara egokitzeari.

Kostuen igoera hori ezin izan da erabat jasanarazi produktuen prezioan, errentagarritasuna murriztu du, salmenten prezioarekiko mendekotasuna handitu du eta, salmenten jaitsierarekin batera, joera kezkagarria adierazten du, batez ere ecommerceko plataforma eta enpresen merkatu-kuota handitu ondoren.

Zer landuko dugu webinar honetan?
Egoera horren ondorioak gutxien pairatzen ari diren negozioek bi puntu komun izan ohi dituzte: hiperespezializatuak daude eta balio handiko proposamenak dituzte. Horrek aukera ematen die erosketa-esperientzia baliotsuak eskaintzeko, lehiakideengandik bereizteko eta prezioaren mende ez egoteko.

Balio-proposamenaren zati garrantzitsu bat saltoki horiek bezeroei eskaintzen dizkieten zerbitzuetan aurkitzen dugu. Zerbitzu horiek, kasu batzuetan, negozio-lerro berri bihurtzen dira.

Horregatik, webinar hau zerbitzuen espezializazioan eta diseinuan sartzera bideratuta dago, eta kontzeptu horiek argitzeko azterketa-kasuak erabiltzen dira.