Txikizkako merkataritzari buruz hitz egiten denean, kalitate hitza askoren ahotan ageri da, baina badirudi pertsona bakoitzak definizio ezberdina duela berarentzat.
Zure bezeroek kalitatea baloratzen dute, eta baliteke faktore bereizgarria izatea zure negozioa konpetentziatik nabarmentzeko. Horregatik, kalitate hitzaren definizioa ezagutzeaz gain, zure negozioan kalitateak zer onura ekar litzakeen hausnartzea interesgarria da baita ere.
Horretarako, ikastaro honen helburua honako hau da:
Txikizkako saltokietan ziurtagiriekin lotutako kalitate-sistema batzuk ezagutzea eta sistema horiek ezartzen eta ziurtagiriak lortzen lagundu ahal dizuten baliabideak aurkitzea.
Gai garrantzitsu horri buruz hitz egitean burura etortzen zaizkizun ohiko kontzeptu asko ezagutzeko modu erraza izango da, eta kalitateak zure negozioa hobetzen eta iraunkortasuna ziurtatzen nola lagun diezazukeen erabakitzeko aukera izango duzu.
