Nortasuna duten erakusleihoak: natura, lurraldea eta visual merchandising-a

Bihurtu zure erakusleihoa zure saltokia bereizteko tresna

Erakusleihoa merkataritza-establezimendu baten eta bezeroen arteko lehen harremana da. Produktuak erakusteaz harago, establezimenduaren nortasuna transmititzeko, emozioak sortzeko eta markaren identitatea indartzeko aukera paregabea eskaintzen du.

Tailer honetan ezagutuko duzu nola erabili natura, material naturalak eta arte floristikoa visual merchandising-eko baliabide gisa, benetakotasuna, jasangarritasuna eta lurraldearekiko lotura transmititzen duten erakusleihoak diseinatzeko.

Saioan zehar diseinu-irizpideak, inspirazio-iturri izango diren adibideak eta zuzeneko erakustaldi praktiko bat partekatuko dira. Bertan, erakusleiho komertzial baterako lore-konposizio baten sormen- eta muntaketa-prozesua azalduko da.

Zer ikasiko duzu?

• Erakusleihoa komunikazio-tresna estrategiko gisa ulertzen.
• Zure saltokiaren nortasunarekin bat datorren kontakizun bisuala sortzen.
• Material naturalak eta landare-elementuak erabiltzen, balioa eta bereizgarritasuna emateko.
• Urtaroak eta tokiko ingurunea aprobetxatzen, erakargarriagoak diren proposamen komertzialak garatzeko.
• Erakusleihoan elementuak konposatzeko eta antolatzeko teknikak ezagutzen.
• Erakustaldi praktiko baten bidez, merkataritza-espazio baterako lore-instalazio baten sorkuntza-prozesua ezagutzen.

Nori zuzendua

Edozein sektoretako merkatariei zuzenduta dago, beren erakusleihoen inpaktu bisuala hobetu eta irudi benetakoago, bereizgarriago eta jasangarritasunaren nahiz hurbiltasunaren balioekin lerrokatuago baten bidez merkatuan duten posizionamendua indartu nahi badute.

Bereziki gomendatua moda-, osagarri-, dekorazio-, artisautza-, bitxigintza-, lore-denda-, gourmet elikadura-, concept store-etako establezimenduentzat eta, oro har, beren nortasun komertziala indartu nahi duten saltoki guztientzat.

Idoia Lizeaga bitxigile artisaua eta loregintza-maisua da, arte floristikoaren lanbide-heziketan 20 urte baino gehiagoko esperientzia duena. Bere jardunean Arte Ederrak, Arkitektura Efimeroa eta Pedagogia uztartzen ditu, diseinua, natura eta material bizia espazio eta esperientzien sorkuntzan elkartzen dituzten proiektuak eta prestakuntzak garatzeko.

Saio inspiratzaile bat

Ezagutu nola bihur daitekeen erakusleihoa benetako bereizgarri, pertsonekin emozionalki konektatzeko eta zure saltokiaren funtsa naturaren eta lurraldearen bidez transmititzeko gai den tresna.